صفحات الهبوط من أقوي الادوات التسويقية والتي تعتمد علي التركيز علي اقناع العميل بمنتجلك أو خدمتك ،، يمكنك بناء صفحتك الان بنفسك
والطريقة تجدها هنا ..
عندك صفحة فيس بوك أو انستجرام وحابب تخطف العميل من الصفحة أو السوق المفتوح للخاص من غير ما يتضايق!
العميل بيزهق من كلمة "تعالى خاص" وحابب تاخده ع الخاص برضاه!
عاوز يكون عندك لينك صفحة ويب منظمة تحط فيها العرض بتاعك وتشرح فيها كل تفاصيلة؟
أنا مثلا عندي صفحة بيع ملابس وعامل عليها إعلان لبيع جاكيت أو تيشيرت ودخل عميل يشوف الإعلان، ممكن بكل سهولة يخرج العميل من الاعلان للإعلانات المشابهة ووارد يلاقى سعر منافس أو عرض أقوى بسهولة
لكن لو خطفت العميل على الخاص هايبقي أسهل، بس العميل هنا بيتضايق لما بيدخل ع الرسايل علشان يعرف السعر وهاتفضل تتكلم معاه كتير وتوجع قلبك في الشرح لحد أما ياخد القرار.
إنك تخطف العميل على موقع خاص بيه، فيه منتجك إنت بس وده بيدى العميل ثقة أنه يشترى منك وبيلاقى شرح مفصل لمميزات منتجك وتبعده عن زحمة المنشورات والإعلانات.
هنا يجي دور صفحة الهبوط، صفحة فى موقع ببلاش تحط عليها إعلانك من غير ما تدفع فلوس.
العميل بقا اللى انت أخدته من السوق المفتوح لمكان مقفول تقدر من خلاله إنك تخلية ياخد قرار بالشراء بسهولة
وفى نفس الوقت العميل ياخد ثقة فيك ويشوف تقييمات العملاء اللي اشتروا منك بالفعل أو اتعاملوا معاك قبل كدا، وإنت كمان تاخد جدية إن العميل ده فعلا جاى يشترى وتقدر كمان تاخد بياناته قبل الشراء.
كمان صفحة الهبوط بتفتح لك مجال إن منتجك يظهر للعميل اللي بيبحث عن منتجك في محركات البحث، مش بس في الموقع اللى إنت فيه
لأن محركات البحث زى جوجل مثلا بتقرأ صفحات الهبوط قبل صفحات الفيس بوك أو غيرها من منصات التواصل الإجتماعى لأنها بالنسبة لهم منافس، فالأولى إنها تعرض العميل بتاعها قبل عرض عميل الشركة المنافسة.
لكن لما بتعرض منتجك فى صفحة الهبوط إنت كدا بتعرضة عند جوجل، وهى كفيلة إنها تجيب لك عميل من عندها.
إنت كدا ضربت عصفورين بحجر واحد
كمان إنت بقا عندك مكان تاني زى الموقع بالظبط وبدون تكلفة، بياخد منها العميل ثقة.
كدا ضربت 3 عصافير!!
لســـه كمــــان ..
إنت في صفحة الهبوط بتعمل بروفايل خاص بيك كشخص وواحد خاص بشركتك موثق بأوراق، يعني إنت كدا محل ثقة.
لأ لسه باقى حاجه أخيره معتمده عليك إنت بقا،،
1- إنك تعمل إعلان يخطف العميل بشكل إحترافى وتحط فيه كل التفاصيل
((يعني مافيش حاجه اسمها خاص، هو كدا جوة الخاص داخل ياخد قرار الشراء))
2- تحط بيانات التواصل بشكل صحيح وتتأكد منها.
3- وتوضح السعر في الإعلان.
4- تقعد تستني عميلك يكلمك وهو واخد قرار بالشراء.
في مواقع كتير فيها صفحات هبوط، تقدر ترفع عليها منتجاتك، ودا السبب إن المقال ده إتكتب هنا فى صفحة المدونة مش في خدمات الموقع مثلا.
علشان تشوف مثال على صفحات الهبوط من إضغط هنا
علشان تفتح صفحة هبوط خاصة بيك إضغط هنا
علشان تعمل بروفايل خاص بيك إضغط هنا